Girls can play games, too

I wish I could stay in this moment forever .... but then it wouldn't be a moment . __Max Caulfield  هتعمل ايه لو كنت تقدر ترجع بالزمن لورا وتختار اختيارات أخرى غير اللي اخترتها في حياتك الحالية؟ هل هتختار مسار تاني وقرارات تانية وتشوف هيحصل ايه؟ والا هتفضل بنفس المسار ونفس الحياة؟  في اللعبة دي بطلتنا ماكس اكتسبت قدرة ترجيع الزمن بعد حادث معين، ياترى هل هتغير مسار حياتها؟ هل هتقدر تساعد وتأثر في حياة الناس؟ وايه اللي ممكن يحصل لما تتدخل في المصير وتعدله؟ اللعبة دي من تطوير شركة سكوير انكس المعروفة بسلسلة تومب رايدر، وفاينال فانتازي ، وديوس اكس، وهيتمان، ثيف، وكينجدوم هارتس وغيره من الألعاب الجميلة ذات الرسومات والقصص الجميلة والجيم بلاي الرائع بس اللعبة دي بالذات تعتبر من الألعاب اللي حبيتها شخصيًا وعجبتني جدًا خصوصا إنها معتمدة على القصة والحوار بشكل أكبر وكمان لأني بحب قصص اللعب في الزمن وتأثير الفراشة، وعشان كده حبيت أعمل مراجعة بسيطة عن اللعبة نسيت أقول إن الساوند تراك بتاع اللعبة دي جميل ومريح نفسيًا .. لايق فعلًا على جو اللعبة العام الأداء الصوتي كوي

" I am a Man of Fortune, and I must seek my Fortune. "   Henry Avery, 1694 ناتي دوج وجمال وحلاوة ألعاب شركة ناتي دوج  اللي ميعرفش الشركة دي هي اللي مشهورة بسلسلة كراش بانديكوت للجيل القديم وسلسلة uncharted و السلسلة اللي دخلت قلوب الملايين عالكوكب The last of us افتكر بداية شرائي للبلايستشن 3 في 2007 كانت مع نزول اول جزء لانتشارتد وازاي كنت مغفلة جدًا لدرجة اني اشتري لعبة بيوولف اللي هي تعتبر من الألعاب اللي ندمت على شراءها بدل ما اشتري أول جزء لانتشارتد أو لعبة تومب رايدر آندروورلد طبعًا أنا صلحت غلطي بعد كده .. واشتريت اللعبة العظيمة دي .. آنتشارتد ❤ في ناس بتقول إن ناتي دوج بتقلد سكوير انكس "موضوع إن انتشارتد بيسرق من تومب رايدر" والكلام ده ، هو آه هما مقتبسين لعبتهم من تومب ريدر ودي مش حاجة محتاجة فقاقة يعني عشان تتعرف لأن بتوع ناتي دوج ذات نفسهم قالوا كده بس طوروا لعبتهم وخلوها تاخد منحنى تاني ، وهي مش سرقة لأن قصة سلسلتهم غير قصة سلسلة تومب رايدر خالص، وحتى سكوير انكس اتأثرت بسلسلة آنتشارتد في الجيم بلاي بتاعها في الاجزاء الجديدة من سنة 2013 لما نزل

شركة كابكوم .. وآه من شركة كابكوم الشركة دي علاقتي بيها بدأت من أوائل الألفينات حيث رزدنت ايفل 4 ونمسيس واللعبة العظيمة اللي محدش بيرضى يتكلم عنها معرفش ليه لعبة أونيموشاااااا xD هي وكونامي وسكوير انكس وسوني كانوا من أوائل الشركات اللي بحبهم وبحب ألعابهم مهما كانت، لحد ما جات فترة كده وشركة كابكوم وكونامي انحدروا للحضيض .. كابكوم بدأت تعمل ألعاب عشان الفلوس وبس ومش مهم القصة والا مهم اللاعبين وشعورهم لما يشوفوا مثلا سلسلة مخضرمة زي رزدنت ايفل تنحدر بالشكل ده وتقلب من رعب البقاء لأكشن كول اوف ديوتي !!!!!!! :\ تقريبا آخر جزء كان عدل للعبة كان الجزء الرابع في رزدنت ايفل، وبعدها بدأ الاتجاه الأكشني يسيطر على اللعبة .. حيث الزومبيز بيجروا عليك من كل ناحية وانت مهمتك بدل حل ألغاز وهروب ونجاة بحياتك بقت انك تقتل اكتر عدد من الزومبيز ! وكأنك في ماراثون دموي ! بس اعتقد إن كابكوم عرفت غلطها يمكن عشان كده رجعت للرعب تاني في الجزء السابع ، أي نعم مش نفس أجواء الأجزاء القديمة بس اهو تحول كويس عن الأكشن ، ده غير سلسلة رزدنت ايفل ريفلشنز هيبقى لها ذكر آخر في تدوينة أخرى في وقت لاحق :D طيب دلوق

شركة فروم سوفتوير تعتبر من الشركات العزيزة على قلبي واللي بحب ألعابها جدًا، تعتبر عملت بصمة في عالم الألعاب بسلسلة souls/borne games بل هي في طريقها لأن ألعابها دي تبقى genre لوحده منفرد عن باقي ألعاب ال RPG  طبعًا لو أنت من محبي ألعاب دارك صولز فهتحب اللعبة دي جدا جدا ، بالنسبة لي أنا بدايتي معاهم هي لعبة bloodborne ووراها دخلت عالم دارك صولز بأجزاءه الجميلة ده فيديو مراجعتي للعبة بلادبورن، واختارت اللعبة دي تبقى افتتاحية مدونتي وربنا يستر :D and yes girls can be gamers too so get over it وبلاش عنصرية xD