مراجعة عن لعبة Life is Strange
I wish I could stay in this moment forever.... but then it wouldn't be a moment.
__Max Caulfield
هتعمل ايه لو كنت تقدر ترجع بالزمن لورا وتختار اختيارات أخرى غير اللي اخترتها في حياتك الحالية؟ هل هتختار مسار تاني وقرارات تانية وتشوف هيحصل ايه؟ والا هتفضل بنفس المسار ونفس الحياة؟
في اللعبة دي بطلتنا ماكس اكتسبت قدرة ترجيع الزمن بعد حادث معين، ياترى هل هتغير مسار حياتها؟ هل هتقدر تساعد وتأثر في حياة الناس؟ وايه اللي ممكن يحصل لما تتدخل في المصير وتعدله؟
اللعبة دي من تطوير شركة سكوير انكس المعروفة بسلسلة تومب رايدر، وفاينال فانتازي ، وديوس اكس، وهيتمان، ثيف، وكينجدوم هارتس وغيره من الألعاب الجميلة ذات الرسومات والقصص الجميلة والجيم بلاي الرائع
بس اللعبة دي بالذات تعتبر من الألعاب اللي حبيتها شخصيًا وعجبتني جدًا خصوصا إنها معتمدة على القصة والحوار بشكل أكبر
وكمان لأني بحب قصص اللعب في الزمن وتأثير الفراشة، وعشان كده حبيت أعمل مراجعة بسيطة عن اللعبة
نسيت أقول إن الساوند تراك بتاع اللعبة دي جميل ومريح نفسيًا .. لايق فعلًا على جو اللعبة العام
الأداء الصوتي كويس .. والدراما كويسة
في اختيارات هتكسر قلبكم جوه اللعبة دي .. بس هتتعودوا بعد كده متقلقوش xD
هسيبكم مع فيديو المراجعة، ومعلش على جودة الصوت والفيديو لأن أولا ده تسجيل من البي سي ولسه مكنتش نزلت برنامج سوني فيجاس ، فالتسجيل صوت وفيديو كان عن طريق برنامج باندي كام ، المرة الجاية ان شاء الله هتبقى الفيديوهات جودتها أفضل من كده :D
تعليقات
إرسال تعليق