Girls can play games, too

' Hell is empty and all the devils are here .' William Shakespeare  شركة ريد باريلز حفرت اسمها على جدار الرعب بسلسلة ألعاب اوت لاست، حيث إننا اتعودنا في ألعاب رعب البقاء إن البطل بيبقى معاه أسلحة حتى لو الذخيرة نادرة بس كان بيبقى في أسلحة كمسدسات زي رزدنت ايفل وسايلنت هيل وآلون إن ذا دارك وغيره أو ككاميرا زي لعبة فاتال فريم  لكن اوت لاست كانت مختلفة، انت معكش حاجة تدافع بيها عن نفسك .... حتى الكاميرا اللي معاك فايدتها انك تشوف بيها في الضلمة عن طريق الفلاش ، وعشان كده اللعبة دي كانت تعتبر تحدي لمحبي ألعاب الرعب .. لأنك هنا مطلوب منك تهرب من كل الجنون المحيط بيك ومعاكش غير كاميرا وبطاريات اترككم مع فيديو المراجعة ويارب ينال إعجابكم :D  

I wish I could stay in this moment forever .... but then it wouldn't be a moment . __Max Caulfield  هتعمل ايه لو كنت تقدر ترجع بالزمن لورا وتختار اختيارات أخرى غير اللي اخترتها في حياتك الحالية؟ هل هتختار مسار تاني وقرارات تانية وتشوف هيحصل ايه؟ والا هتفضل بنفس المسار ونفس الحياة؟  في اللعبة دي بطلتنا ماكس اكتسبت قدرة ترجيع الزمن بعد حادث معين، ياترى هل هتغير مسار حياتها؟ هل هتقدر تساعد وتأثر في حياة الناس؟ وايه اللي ممكن يحصل لما تتدخل في المصير وتعدله؟ اللعبة دي من تطوير شركة سكوير انكس المعروفة بسلسلة تومب رايدر، وفاينال فانتازي ، وديوس اكس، وهيتمان، ثيف، وكينجدوم هارتس وغيره من الألعاب الجميلة ذات الرسومات والقصص الجميلة والجيم بلاي الرائع بس اللعبة دي بالذات تعتبر من الألعاب اللي حبيتها شخصيًا وعجبتني جدًا خصوصا إنها معتمدة على القصة والحوار بشكل أكبر وكمان لأني بحب قصص اللعب في الزمن وتأثير الفراشة، وعشان كده حبيت أعمل مراجعة بسيطة عن اللعبة نسيت أقول إن الساوند تراك بتاع اللعبة دي جميل ومريح نفسيًا .. لايق فعلًا على جو اللعبة العام الأداء الصوتي كوي